Քանյե Ուեսթը պաշտոնապես փոխել է իր անունը` Ye

Ամերիկացի ռեփեր Քանյե Ուեսթը որոշել է փոխել իր անունը: Երկուշաբթի օրը Լոս Անջելեսի դատարանը բավարարել է ռեփերի՝ անունը պաշտոնապես փոխելու միջնորդությունը: Քանյե Ուեսթը կրճատել է իր անունը՝ թողնելով Ye-ն և հրաժավել է ազգանունից ու հայրանունից: Այս մասին գրում է kulturomania.ru կայքը՝ հղում անելով Deadline-ին:

Հաղորդվում է, որ ռեփերը ծրագրում էր փոխել անունը դեռ օգոստոսին, սակայն հետո հետաձգել էր որոշումը «անձնական պատճառներով»:

Ռեփերն իր նոր անունը օգտագործել է Twitter-ում և այդպես է անվանել իր ալբոմը 2018-ին: 

Սկզբնաղբյուրը նշում է, որ այս պահին հայտնի չէ, թե ինչպես կարող է անվանափոխությունն ազդել Քանյե Ուեսթի ընտանիքի վրա, քանի որ նրա կինն ու երեխաներն օգտագործում են Ուեսթ ազգանունը: