620 հազար 400 դեղաչափ «Մոդեռնա» ընկերության պատվաստանյութ նվեր Հայաստանին. Ավանեսյան

ՀՀ առողջապահության նախարար Անահիտ Ավանեսյանը հայտնում է, որ երեկ ստորագրել են Հայաստանի Հանրապետության, Նորվեգիայի Թագավորության և «Մոդեռնա» ընկերության միջև եռակողմ պայմանագիր, որով  620 400 դեղաչափ «Մոդեռնա» ընկերության «Սպայկվաքս» պատվաստանյութ է նվիրվել  Հայաստանին։

«Շնորհակալություն Նորվեգիայի Թագավորությանը և Մոդեռնա ընկերությանը՝ համավարակը հաղթահարելուն ուղղված ջանքերի համար։ 

Նոր խմբաքանակը փոխադրելու հարցում կաջակցի Եվրոպական հանձնաժողովի մարդասիրական օգնության և քաղաքացիական պաշտպանության հարցերով գլխավոր վարչությունը»,- գրել է Անահիտ Ավանեսյանը։