ԱԱ․Բռնցքամարտիկ Արթուր Հովհաննիսյանը հաղթել է մրցակցին

51 կգ քաշային գյումրեցի Արթուր Հովհաննիսյանը հաղթանակով մեկնարկեց աշխարհի առաջնությունում:Այս մասին հայտնում է Հայաստանի բռնցքամարտի ֆեդերացիան։

«1/32-րդ եզրափակիչում Հովհաննիսյանը մրցեց Գերմանիան ներկայացնող մեր հայրենակից Արգիշտի Տերտերյանի հետ և հաղթեց մեծ առավելությամբ: Մեր բռնցքամարտիկը երկու անգամ նոկդաունի ենթարկեց մրցակցին: Հաղթանակից հետո Հովհանիսյանը նշեց, որ երկար դադարից հետո կարևոր մենամարտ ու կարևոր հաղթանակ էր: 1/16-րդ եզրափակիչում Հովհաննիսյանը կմրցի ԱՄՆ ներկայացնող Հիլ Ռոսկոյի հետ»,- հայտնում են ֆեդերացիայից: