Սենատը հաստատել է Թուրքիայում ԱՄՆ նոր դեսպանին դիվանագիտական ​​սկանդալի ֆոնին

Ամերիկացի սենատորները հավանություն են տվել Թուրքիայում ԱՄՆ դեսպանի պաշտոնում իրենց նախկին գործընկեր Ջեֆ Ֆլեյքի նշանակմանը։ Ռիա նովոստիի հաղորդմամբ, հայտնել է պալատի մամուլի ծառայությունը։

Թեկնածուի հաստատումը տեղի է ունեցել Թուրքիայի առաջնորդ Ռեջեփ Թայիփ Էրդողանի՝ երկրից տասը օտարերկրյա դեսպանների, այդ թվում՝ ԱՄՆ, արտաքսելու մտադրության շուրջ դիվանագիտական սկանդալի կարգավորումից հետո։

«Սենատը բանավոր քվեարկությամբ հավանություն է տվել Արիզոնայից Ջեֆ  Ֆլեյքին Թուրքիայի Հանրապետությունում Ամերիկայի Միացյալ Նահանգների արտակարգ և լիազոր դեսպանի պաշտոնին»,- ասվում է հաղորդագրության մեջ։

Ֆլեյքը, ով ԱՄՆ նախագահ Ջո Բայդենի կողմնակիցն է, ներկայացրել է իր հայրենի նահանգը նախ Կոնգրեսի ստորին պալատում, ապա՝ Սենատում 2001-2019 թվականներին: