ՄԻՊ խոսնակ. Արման Թաթոյանին քաղաքական բնույթի որևէ առաջարկ չի արվել

ՄԻՊ մամուլի խոսնակ Նունե Հովսեփյանն արձագանքել է մամուլի հրապարակմանն ու գրել.

««Հրապարակ» օրաթերթի այսօրվա համարում ՀՀ մարդու իրավունքների պաշտպան Արման Թաթոյանի վերաբերյալ հրապարակման կապակցությամբ տեղեկացնում ենք, որ Արման Թաթոյանին քաղաքական բնույթի որևէ առաջարկ չի արվել, և նա առնչություն չունի քաղաքական որևէ գործընթացի հետ։

Պաշտպանն իր աշխատանքը շարունակում է իրականացնել ապաքաղաքական սկզբունքով՝ առաջնորդվելով մարդկանց իրավունքների պաշտպանության սահմանադրական բարձր առաքելությամբ»։