Ախալքալաքում օտարերկրյա քաղաքացիների պատվաստումը հնարավոր է, եթե պաշտոնական նամակ լինի տեղական իշխանություններից. Գամղրելիձե

Օտարերկրյա քաղաքացիները, ովքեր չունեն Վրաստանում բնակության թույլտվություն, կորոնավիրուսի դեմ կարող են պատվաստվել Քութայիսիում, Թբիլիսիում և Բաթումիում։ Jnews-ը դիմել է Հիվանդությունների վերահսկման ազգային կենտրոնի ղելավար Ամիրան Գամղրելիձեին, թե Ախալքալաքում կան բնակիչներ, ովքեր հետաքրքրված են՝  ինչու Ախալքալաքում նույնպես օտարերկրյա քաղաքացիներին չեն պատվաստում։

«Դե, ես այդ հարցը կբարձրացնեմ Իմունացման խորհրդում: Կարծում եմ՝ մենք կլուծենք այդ հարցը: Եթե պաշտոնական նամակ լինի Ախալքալաքի և Նինոծմինդայի տեղական իշխանություններից, ապա այդ հարցը կլուծվի»,- մեկնաբանել է Ամիրան Գամղրելիձեն:

Վրաստանում NCDC-ն հոկտեմբերի 18-ից մեկնարկել է COVID-19-ի դեմ պատվաստման մարաթոնը երկրի հեռավոր շրջաններում։ Ըստ ծրագրի՝ բժիշկների հատուկ շարժական խմբերը շրջում են գյուղերով, նպաստում պատվաստմանը և բոլոր ցանկացողներին պատվաստում են տեղում, այսինքն՝ գյուղի բուժկետերում։ Մարաթոնի շրջանակներում նախատեսվում է ընդհանուր առմամբ ընդգրկել 49 գյուղ։

Հոկտեմբերի 28-29-ը Սամցխե-Ջավախքի յուրաքանչյուր մունիցիպալիտետի մեկական գյուղում անցկացվող այս մարաթոնի շրջանակներում այցելում են NCDC-ի աշխատակիցները՝ կենտրոնի ղեկավար Ամիրան Գամղրելիձեի գլխավորությամբ