Արքայազն Էնդրյուն իրեն մեղավոր չի ճանաչում ամերիկուհու բռնաբարության մեջ

Արքայազն Էնդրյուն խնդրել է ԱՄՆ դատարանին մերժել իր դեմ բռնաբարության վերաբերյալ հայցը։ Այս մասին գրում է Վեստի.ռու կայքը։

Մեծ Բրիտանիայի թագուհու 61-ամյա որդին կարծում է, որ ամերիկացու կողմից առաջադրված մեղադրանքներն անհիմն են։

Նա ասել է, որ գործը պետք է կարճվի, կամ խոսքերից «ավելի հստակ բան» ներկայացվի:

2005 թվականին ամերիկացի ֆինանսիստ Ջեֆրի Էփշտեյնի շուրջ ծագած սեքս-սկանդալի մեջ էր ներքաշվել նաև արքայազն Էնդրյուն: Այս գործով դատավարության ժամանակ վկա Վիրջինիա Ռոբերթսը ցուցմունք է տվել արքայազնի դեմ։ Բրիտանական թագավորական ընտանիքը բազմիցս հերքել է Էփշտեյնի մեղադրանքները։