Իսպանիայում ցլավազքի ժամանակ ցուլը պոզահարելով սպանել է 55-ամյա մի տղամարդու

Իսպանիայում կորոնավիրուսային համավարակից ի վեր առաջին անգամ անցկացվել է ավանդական ցլավազքի փառատոնը, որի ընթացքում ցլերից մեկը պոզահարել և սպանել է 55-ամյա մի տղամարդու: Այս մասին տեղեկացնում է «Daily Mail»-ը։

Ֆիքսված կադրերում երևում է, թե ինչպես է կենդանին տղամարդուն վեր բարձրացնում՝ իր պոզերից կախված, ապա գետնին գցում ու նորից հարձակվում:

Թեև տուժածին շտապ հոսպիտալացրել են, սակայն նրա կյանքը փրկել չի հաջողվել: Ողբերգական դեպքը տեղի է ունեցել Օնդա քաղաքում. փառատոնը դադարեցվել է: