Մեղրիի Անապաստանաց վանքի հնագիտական գտածոները՝ Էրեբունի թանգարանում

Նոյեմբերի 4-ին Էրեբունի թանգարանի Ներքին բակում բացվելու է «Մեղրիի Անապաստանաց վանքի հնագիտական գտածոները» խորագրով ժամանակավոր ցուցադրությունը։

Ցուցադրությունը նվիրված է հայ վաստակավոր ճարտարապետ-վերականգնող Ստեփան Նալբանդյանի հիշատակին։ Ցուցադրվելու են վերջին տարիներին սյունյաց ճարտարապետության գոհարներից մեկը հանդիսացող Մեղրիի Անապաստանաց վանքի տարածքում իրականացված պեղումների արդյունքում հայտնաբերված բացառիկ հնագիտական գտածոներ, որոնք պեղվել են Ստեփան Նալբանդյանի որդու` հնագետ Արման Նալբանդյանի գլխավորած արշավախմբի կողմից։

Ցուցադրությունն իրականացվում է Հայաստանի Հանրապետությունում Ֆրանսիայի դեսպանատան ֆինանսական աջակցության շնորհիվ։