Բռնցքամարտիկ Դավիթ Չալոյանը՝ աշխարհի առաջնության արծաթե մեդալակիր

Դավիթ Չալոյանը Բռնցքամարտի աշխարհի առաջնությունում նվաճել է արծաթե մեդալ: Հայաստանի Բռնցքամարտի ֆեդերացիան նշում է, որ նա դարձել է բռնցքամարտի Հայաստանի հավաքականի  և ինչու չէ նաև համաշխարհային բռնցքամարտի  հայտնությունը, ով այսուհետ շատերի համար նաև անցանկալի մրցակից կլինի ցանկացած միջազգային  ստուգատեսում:

Աշխարհի առաջնության եզրափակիչում մեր մարզիկը մրցել է Ռուսաստանը ներկայացնող Մարկ Պետրովսկու հետ ու զիջել համառ ու հավասար պայքարում: Ընդ որում, առաջին ռաունդում Չալոյանը նույնիսկ նոկդաունի է ենթարկել մրցակցին:

Աշխարհի առաջնությունից Հայաստանը կվերադառնա երկու մեդալով: Մեր երկրի համար մեկ բրոնզ էլ նվաճել էր Հովհաննես Բաչկովը։