Սանկտ-Պետերբուրգում կկայանա Ալեքսանդր Սպենդիարյանի ծննդյան 150-ամյակին նվիրված համերգ

Նոյեմբերի 21-ին Սանկտ-Պետերբուրգի Ն. Ռիմսկի-Կորսակովի տուն-թանգարանում կկայանա համերգ՝ նվիրված հայ մեծանուն կոմպոզիտոր Ալեքսանդր Սպենդիարյանի ծննդյան 150-ամյակին: 

Ա. Սպենդիարյանի տուն-թանգարանից հայտնում են, որ ծրագրում կհնչեն կոմպոզիտորի կամերային վոկալ և գործիքային ստեղծագործությունները, ինչպես նաև դաշնամուրային զուգանվագներ և սաքսոֆոնահարների կվինտետ:

Ներածական խոսքով հանդես կգա արվեստագիտության թեկնածու Նադեժդա Մեդվեդևան: Միջոցառմանը ելույթ կունենա արվեստագիտության դոկտոր Րաֆֆի Խարաջանյանը (տեսակապ)։