Ադրբեջանում գերի պահվող 33 շիրակցի կա

Ադրբեջանում գերության մեջ պահվում է Շիրակի մարզի 33 բնակիչ։ Կառավարության նիստի ավարտից հետո լրագրողների հետ զրույցում ասել է Շիրակի մարզպետ նշանակված Նազելի Բաղդասարյանը։

Նա հիշեցրել է, որ Խծաբերդի հատվածում գերեվարվել էր 62 շիրակցի, նրանցից 29-ը վերադարձել են, 33-ը դեռ գերության մեջ են։

«Վերադարձի գործընթացը բավականին ինտենսիվորեն ընթանում է։ Աշխատանքային առաջին իսկ օրը հանդիպել եմ գերեվարվածների ընտանիքների անդամների հետ»,-ասել է նա։