Ադամ Շիֆֆ. ԱՄՆ-ն պետք է անի հնարավորինը Ադրբեջանի շարունակվող ագրեսիայի զսպման համար

ԱՄՆ-ն պետք է անի հնարավոր ամեն բան՝ զսպելու Ադրբեջանի շարունակվող ագրեսիան։ Այս մասին ֆեյսբուքյան իր էջում գրել է ԱՄՆ դեմոկրատ կոնգրեսական Ադամ Շիֆֆը։

Նա նշել է, որ խորապես անհանգստացած է հայկական սահմանի վրա ադրբեջանական հարձակման, սպանությունների, մոտ երկու տասնյակ հայ զինծառայողների ապօրինի ձերբակալման մասին ստացած տեղեկություններից։

«Այս անհիմն հարձակումն ուղղակիորեն խախտում է Ադրբեջանի և Հայաստանի զինադադարի պայմանավորվածությունը։ Կոչ եմ անում Պետդեպին գործել անհապաղ, օգտագործել դիվանագիտական բոլոր խողովակները՝ կանխելու մարդասիրական աղետը, ցույց տալու մեր անսասան աջակցությունը հայ ժողովրդին ու նրա ինքնավարությանը»,- նշել է նա։