Նոր Զելանդիայում պատգամավորը ծննդաբերական ցավերի ժամանակ հեծանվով է հիվանդանոց գնացել

Նոր Զելանդիայի խորհրդարանի պատգամավորը կիրակի երկունքի ցավերի ժամանակ հեծանիվով է հիվանդանոց գնացել. տեղ հասնելուց մեկ ժամ հետո նա ծննդաբերել է:

Ինչպես գրում է BBC-ն, խոսքը Ջուլի Անն Գենթերի մասին է:

«Ես, իրոք, չէի ծրագրում հեծանիվով գնալ ծննդաբերելու, բայց դա ի վերջո տեղի ունեցավ», - Facebook-ում պատմել է նորաթուխ մայրիկը:

Կանաչների կուսակցությունից 41-ամյա Գենթերը հեծանվային սպորտի հայտնի և անկեղծ պաշտպան է:

Նա ծննդաբերությունից հետո պատմել է, որ իր կծկումներն «այնքան էլ ուժեղ չէին», երբ ինքն ու իր ամուսինը որոշել են հեծանիվ վարել: