Ֆրանսիայում նինջայի կոստյումով տղամարդը թրով հարձակվել է կին ոստիկանների վրա

Ֆրանսիայի Շերբուր Ան Կոտանտեն քաղաքում նինջայի հագուստով տղամարդը կատանայով վիրավորել է երկու կին ոստիկանի։ Տեսուչները փորձել են նրան բերման ենթարկել մեքենայի առևանգման համար։ Այս մասին հայտնում է France Bleu ռադիոկայանը՝ հղում անելով ոստիկանությանը։

Առևանգողը դուրս է եկել գողացված մեքենայից և ճապոնական թրով մի քանի անգամ հարվածել ոստիկաններին։ Նրա վրա կրակել է երրորդ ոստիկանը։

Հարձակվողը ծանր վիրավորվել է և հոսպիտալացվել։ Հիվանդանոց են տեղափոխվել նաև վիրավոր ոստիկանները։