Ռուս խաղաղապահներն ապահովել են անվտանգությունն Արցախում խաղողի այգիների վերատնկման ժամանակ

Ռուսական խաղաղապահ առաքելության ծառայողներն ապահովել են անվտանգությունը Արցախի Հանրապետության տարբեր շրջաններում խաղողի այգիների վերատնկման ընթացքում: Այս մասին տեղեկանում ենք  ՌԴ պաշտպանության նախարարության պաշտոնական կայքից։

«Ասկերանի շրջանի բնակիչները դիմել են ռուսական խաղաղապահ զորախմբին՝ սահմանազատման գծի մոտ գյուղատնտեսական աշխատանքների անվտանգությունն ապահովելու խնդրանքով»,-ասել է խաղաղապահ զորախմբի ներկայացուցիչ Ալեքսեյ Զայցևը։

Գյուղատնտեսական աշխատանքները սկսվել են այն բանից հետո, երբ խաղաղապահները տարածքը մաքրել են պայթյունավտանգ առարկաներից ու չպայթած զինամթերքից։