Bloomberg-ը մանրամասներ է բացահայտել Ուկրաինային թուրքական «Բայրաքթար»-ի մատակարարման մասին

Ուկրաինան Թուրքիայից գնել է զգալիորեն ավելի շատ Բայրաքթար TB2 անօդաչու թռչող սարքեր, քան նախկինում հաղորդվում էր։ Ռիա նովոստիի հաղորդմամբ, գրում է Bloomberg-ը՝ հղում անելով Անկարայի կառավարական գերատեսչությունների աղբյուրներին։

Գործակալությունը պնդում է, որ 2019 թվականից թուրքական կողմը Կիևին «շատ» անօդաչու սարքեր է վաճառել՝ հրթիռների և կառավարման կայանների հետ միասին։

«Այժմ ընդունվում են ևս ավելի քան երկու տասնյակ անօդաչու թռչող սարքերի պատվերներ»,- ասվում է հոդվածում։

Թուրքական կառավարության պաշտոնյաները և անօդաչու թռչող սարքեր արտադրող Baykar Makina-ն հրաժարվել են մեկնաբանել այս տեղեկությունը։

Bloomberg-ի զրուցակիցը հայտարարել է նաև Անկարայի և Կիևի պլանների մասին՝ ուկրաինական Zenit-2-ի նման հրթիռներ արտադրելու համատեղ արտադրության հետ կապված, սակայն, ինչպես նշում է աղբյուրը, Թուրքիան հերքում է նման մտադրությունները։

Անցյալ տարվա դեկտեմբերի տվյալներով, Կիևն ուներ վեց հարվածային թուրքական Bayraktar TB2 անօդաչու թռչող սարքեր և դրանց համար մի քանի հարյուր բարձր ճշգրտության հրթիռներ։ Հաղորդվել է, որ 2021 թվականին Ուկրաինան ձեռք կբերի ևս մոտ 15 անօդաչու թռչող սարք։