Ամենից շատ կարդացված նյութեր
.jpg "Կիկաբիձեն տեսակցել է Սաակաշվիլիին")
Վրաց հայտնի երգիչ Վախթանգ Կիկաբիձեն հանդիպել է անազատության մեջ գտնվող Վրաստանի նախկին նախագահ Միխայիլ Սաակաշվիլիի հետ և հայտարարել, որ քաղաքական գործիչն իրեն լավ չի զգում, բայց հոգով կոտրված չէ։ Այս մասին գրում է «ՌԻԱ ՆՈՎՈՍՏԻ» գործակալությունը։
Սաակաշվիլին գտնվում է Գորիի հոսպիտալում, որտեղ նա բուժվում է բանտում 50-օրյա հացադուլից հետո։
«Նա լավ չէ, այստեղ այլ հարցեր չկան, դա երևում է նրա աչքերից: Նա ինձ թեյ հյուրասիրեց և ամեն ինչ մանրամասն պատմեց… մենք նաև քննարկեցինք, թե ինչպես է անցել իմ և Զելենսկիի հանդիպումը: Ես ասել եմ նրան, որ Սահակաշվիլին ձեր քաղաքացին է, և դուք պետք է նրան տանեք, այլապես նրան այստեղ կսպանեն, ինչին նա պատասխանել է, որ այսօրվանից կսկսի զբաղվել այդ հարցերով։ Դրանից հետո Ուկրաինայի հանրային պաշտպանը ժամանել է Թբիլիսի, ապա արդեն փաստաբանը»,- լրագրողներին ասել է Կիկաբիձեն։
Արտիստի խոսքով՝ «պարզվում է, որ Լեհաստանը հայտարարել է՝ պատրաստ է ընդունել Սաակաշվիլիին ու հոգ տանել նրա մասին»։
Կիկաբիձեն Վրաստանի խորհրդարանի պատգամավոր է Սաակաշվիլիի ընդդիմադիր «Միացյալ ազգային շարժումից»: Խորհրդարանական ընտրությունների ժամանակ նա կուսակցության ցուցակում առաջինն է եղել։
Studio One