Զագրեբում հայտնվելու են անօդաչու տաքսիներ

Խորվաթական Զագրեբում կգործարկվի անօդաչու տաքսի ծառայություն։ Այս մասին գրում է «ՌԻԱ ՆՈՎՈՍՏԻ» գործակալությունը՝ վկայակոչելով Europulse-ին։

Մեքենաները կկառավարվեն հեռակա կարգով՝ արհեստական ​​ինտելեկտը կկարողանա ինքնուրույն մոդելավորել երթուղին և վերլուծել տեղադրված տեսախցիկների տվյալները։ 

Բացի այդ, անօդաչու տաքսիները հագեցած կլինեն սենսորներով, որոնք պետք է սկանավորեն երթևեկելի մասը և հետևեն ինչպես շարժվող, այնպես էլ անշարժ օբյեկտներին:

Առաջին աշխատանքային նախատիպը կներկայացվի այս տարվա վերջին, իսկ ծառայությունը կգործարկվի 2024 թվական։ Նախատեսվում է, որ Զագրեբից հետո նման տաքսիներ կհայտնվեն Եվրոպայի և Մերձավոր Արևելքի 20 այլ քաղաքներում։

Աշխարհում առաջին նման անօդաչուներ գործարկվել են 2020 թվականին Արիզոնայում՝ թեստային ռեժիմով։