16-րդ դարի գլոբուսն աճուրդում վաճառվել է 116 հազար ֆունտով

16-րդ դարի գլոբուսը, որը, ըստ նախկին սեփականատիրոջ, 150 ֆունտով գնվել է Ուելսի հնաոճ իրերի տոնավաճառում, վաճառվել է Բրիտանիայի Hansons Auctioneers աճուրդի տանը 116 հազար ֆունտով (ավելի քան 11 միլիոն ռուբլի)։ Այս մասին գրում է ՌԻԱ ՆՈՎՈՍՏԻ գործակալությունը։

«Գլոբուսը, որը 470 տարեկան է, համարվում է իր տեսակի մեջ ամենահինը, որը երբևէ վաճառվել է աճուրդում»,- ասել են Hansons Auctioneers-ից։

Աճուրդի սեփականատեր Չարլզ Հանսոնի խոսքով՝ այս գլոբուսը «Հանսոնի աճուրդի կողմից երբևէ արված ամենակարևոր պատմական հայտնագործություններից մեկն է»։

Կազմակերպության կայքում ասվում է, որ ապրանքը գնել է Նյու Յորքից մասնավոր գնորդը, ում ինքնությունը չի հաղորդվում: Աճուրդից հետո նա կիսվել է իր հույզերով՝ ասելով, որ տեղի ունեցածը ցնցել է իրեն։

«Ես կարծում էի, որ շատ բան եմ վատնել՝ վճարելով 150 ֆունտ ստերլինգ գլոբուսի համար, համաճարակի ժամանակ: Ես երբեք չէի մտածել, որ դա այդքան արժեքավոր է: Նայելով աճուրդը ես շոկի մեջ էի, ինչպես և ամուսինս: Իհարկե, ես հիացած եմ»,- ասել է գլոբուսի արդեն նախկին տերը։