Իտալա-արգենտինական երեկո՝ Պիետրոդարկիի և Հայաստանի պետական սիմֆոնիկ նվագախմբի ներկայացմամբ

Դեկտեմբերի 26-ին Հայաստանի պետական սիմֆոնիկ նվագախումբը հրավիրում է «Դվին Մյուզիք հոլ»՝ մասնակից լինելու իտալական և արգենտինական երաժշտության երեկոյի։

Իտալացի հայտնի ակորդեոնահար և բանդոնեոնահար Մարիո Ստեֆանո Պիետրոդարկիի և Հայաստանի պետական սիմֆոնիկ նվագախմբի կատարմամբ կհնչեն Նինո Ռոտայի Նվիրում Ֆեդերիկո Ֆելինիին, Ջուզեպպե Սանգենիտիի «Ջուլիետա Սփայդեր, Ջուլիա», Աստոր Պիացոլլայի «Երեք տանգո», «Ձմեռը Բուենոս Այրեսում», «Ավե Մարիա», «Մոլորված թռչունները», «Գրանդ տանգո», «Լիբերտանգո» և այլ ստեղծագործություններ։

Հայաստանի պետական սիմֆոնիկ նվագախումբից հայտնում են, որ համերգի ընթացքում հանդես կգան նաև մեցցո-սոպրանո Սոֆիա Թումանյանը, կիթառահար Անդրեյ Զդեսենկոն։