Ելիզաբեթ II-ը Սուրբ Ծնունդը կնշի Վինձորի ամրոցում

Մեծ Բրիտանիայի թագուհի Ելիզաբեթ II-ը Սուրբ Ծնունդը կանցկացնի Վինձորի ամրոցում, հայտնում է Sky News-ը՝ հղում անելով Բուքինգհեմյան պալատին։Այս մասին հաղորդում է «ՌԻԱ ՆՈՎՈՍՏԻ» գործակալությունը։

«Թագուհին Սուրբ Ծնունդը կանցկացնի Վինձորի ամրոցում, այլ ոչ թե Սանդրինգհեմյան պալատում, որտեղ ավանդաբար նշվում էր տոնը»,- ասվում է հեռուստաալիքի հաղորդագրության մեջ։

Ըստ աղբյուրի արձակուրդների ժամանակ Վինձոր կգան նաև թագավորական ընտանիքի անդամները, պալատում կպահպանվեն անվտանգության անհրաժեշտ միջոցներ։

Անցյալ շաբաթ Mirror թերթը, գրել էր, որ Մեծ Բրիտանիայի թագուհի Ելիզաբեթ II-ը չեղարկել է նախամանորյա ընտանեկան միջոցառումը Մեծ Բրիտանիայում COVID-19-ով վարակվածների թվի աճի ֆոնին:

Հրատարակությունը հայտնել է, որ թագուհին մտադիր է Սուրբ Ծննդյան տոներին հյուրընկալել իր մերձավոր ազգականներին Սանդրինգհեմյան պալատում, մինչդեռ նա կառաջնորդվի մասնագիտական ​​խորհուրդներով, թե արդյոք դա անվտանգ կլինի։