Վրաստանում օմիկրոն շտամով հիվանդացության ևս 19 դեպք է գրանցվել

Վրաստանում վերջին մեկ օրվա ընթացքում կորոնավիրուսի օմիկրոն շտամով հիվանդացության ևս 19 դեպք է գրանցվել։ Այս մասին գրում է «Գրուզիա օնլայն»-ը՝ ավելացնելով, որ այս պահին հարևան երկրում ընդհանուր առմամբ օմիկրոն շտամի հաստատված 49 դեպք կա։

Վրաստանում այս շտամով առաջին հիվանդացության դեպքը գրանցվել է դեկտեմբերի 20-ին։

Ավելի վաղ Հայաստանի առողջապահության նախարար Անահիտ Ավանեսյանը հայտնել էր, որ Հայաստանում օմիկրոն շտամով հիվանդացության դեպքեր չեն գրանցվել։