Ամենից շատ կարդացված նյութեր
.jpg "Պատանի հանդիսատեսի թատրոնը կբեմադրի «Կատուն շիկացած տանիքին» պիեսը")
Պատանի հանդիսատեսի թատրոնում մեկնարկել են «Կատուն շիկացած տանիքին» պիեսի բեմադրական աշխատանքները։ Դեկտեմբերի 21-ից Պատանի հանդիսատեսի թատրոնում մեկնարկեցին հանրահայտ ամերիկացի դրամատուրգ Թենեսի Ուիլյամսի «Կատուն շիկացած տանիքին» պիեսի բեմադրական աշխատանքները․․․Աշխատանքների մասին ազդարարեց թատրոնի տնօրեն Էմին Թորոսյանը։ Ներկայացման բեմադրող ռեժիսորն է Դավիթ Հարությունյանը։
«Պիեսները շատ էին, բայց ես կանգ առա հենց այս մեկի վրա, հաշվի առնելով տարբեր հանգամանքներ․․․
Մերօրյա մարդկային հարաբերությունների աղճատվածությունը, մարդկանց միմյանց հետ չխոսելու, չկիսվելու խնդիրը, այսօր դարձել է համաշխարհային աղետ, գնալով ամեն բան ավելի է խորանում, մարդիկ ապրելով մեկ տանիքի տակ՝ միմյանցից ավելի են հեռվանում, ներդաշնակությունը գնալով պարտվում է։ Սա համընդհանուր սիրո պակասի տագնապի ձայն է, որտեղ ծնողների և զավակների հարաբերությունները նույնպես դրված են լուրջ զննության տակ։ Որպես ռեժիսոր՝ ես տեսա այդ խնդիրները, որոնք կարծում եմ՝ մեզ համար որպես քաղաքացիներ շատ կարևոր են և արդիական, դրանց մասին խոսելն ու բարձրաձայնելը է՛լ ավելի կարևոր․․․» ,- նշում է Դավիթ Հարությունյանն ընդգծելով, որ ցանկացած թատրոնի համար էլ պատիվ է բեմ բարձրացնել Թ․ Ուիլյամսի պես համաշխարհային հեղինակության թատերագրի պիես։
Պատանի հանդիսատեսի թատրոնից հայտնում են, որ ներկայացումը թատերասերներին կներկայացվի գարնանը։ Այն կհամալրի թատրոնի երեկոյան խաղացանկը։
Studio One