Հայկական գորգերի արտադրությունը գրեթե 60%-ով նվազել է

Պաշտոնական թվերը փաստում են, որ Հայաստանում շարունակում է նվազել հայկական գորգերի արտադրությունը։

Ինչպես տեղեկանում ենք Վիճակագրական կոմիտեից,  2021 թվականի հունվար-հոկտեմբերին հանրապետությունում արտադրվել են 2.6 տոննա գորգեր և գորգագործական արտադրատեսակներ, ինչը 2020թ-ի նույն ժամանակահատվածի համեմատ նվազել է 59.4%-ով։

Նշենք, որ նախորդ տարվա հունվար-հոկտեմբերին հանրապետությունում արտադրվել է 6.4 տոննա, իսկ 2019 թ-ի 10 ամիսներին՝ 26.2 տոննա գորգ։