Զրուցել են Զասն ու Փաշինյանը

Հունվարի 6-ին կայացել է ՀԱՊԿ գլխավոր քարտուղար Ստանիսլավ Զասի ու Նիկոլ Փաշինյանի հեռախոսազրույցը։ Հիշեցնենք, որ վերջինն այժմ ՀԱՊԿ Հավաքական անվտանգության խորհրդի նախագահն է։

ՀԱՊԿ մամուլի ծառայության փոխանցմամբ, Ստանիսլավ Զասը տեղեկացրել է Ղազախստանում տիրող իրավիճակի, ինչպես նաև այդ երկիր ՀԱՊԿ հավաքական խաղաղապահ ուժեր ուղարկելու որոշման իրականացման ընթացքի մասին։

ՀԱՊԿ-ից հիշեցրել են, որ Ղազախստան ուղարկված ուժերի հիմնական խնդիրներն են  կարևոր պետական ու ռազմական օբյեկտների պահպանությունը, ինչպես նաև Ղազախստանի ոստիկաններին աջակցությունը երկրում իրավիճակի կայունացման ու իրավական դաշտ վերադարձնելու գործում։