Մահացել է Եվրախորհրդարանի խոսնակ Դեյվիդ Սասոլին

Երեքշաբթի օրը 65 տարեկան հասակում Իտալիայում մահացել է Եվրախորհրդարանի նախագահ Դեյվիդ Սասոլին։ ՏԱՍՍ-ի փոխանցմամբ՝ այդ մասին հայտնել է նրա մամուլի քարտուղար Ռոբերտո Կվիլոն։

«Դեյվիդ Սասոլին մահացել է հունվարի 11-ին ժամը 04:15-ին»,- գրել է Կուիլյոն Twitter-ում։ Նրա խոսքով՝ Սասոլին մահացել է Իտալիայի Ավիանո քաղաքում, որտեղ հոսպիտալացվել էր։ նա նաև տեղեկացրել է, որ հուղարկավորության օրն ու ժամը կհայտարարվի առաջիկա մի քանի ժամվա ընթացքում:

Երկուշաբթի օրը Սասոլին հոսպիտալացվել է Իտալիայում՝ իմունային համակարգի դիսֆունկցիայի հետ կապված ծանր բարդությունների պատճառով: Ինչպես նշել է ANSA գործակալությունը, Եվրախորհրդարանի ղեկավարի մասնակցությամբ նախատեսված բոլոր միջոցառումները չեղարկվել են։

Դեկտեմբերին 65-ամյա նախկին լրագրող Սասոլին՝ Իտալիայի Դեմոկրատական կուսակցության ներկայացուցիչը, հայտարարել էր, որ չի վերընտրվելու Եվրախորհրդարանի խոսնակի պաշտոնում, որպեսզի, ըստ նրա՝ «չպառակտվի եվրոպական մեծամասնությունը»։ Նրա մանդատը լրացել է հունվարին։