Կորոնավիրուսով վարակման դեպքերը կտրուկ աճել են. Ռոմելա Աբովյան

Վերջին օրերին նկատվում է կորոնավիրուսով վարակման դեպքերի կտրուկ աճ:  Ասուլիսում ասաց  ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելա Աբովյանը:

«Առաջին անգամ է, որ արձանագրում ենք վարակի վերարտադրողական բավականին բարձր ցուցանիշ: Վարակի վերարտադրողական ցուցանիշը, ինչը խոսում է  վարակի  տարածման տեմպերի մասին, արդեն 2,3 է կազմում»,- նշեց նա:

Ռ.Աբովյանի խոսքով, հիվանդացության բարձրացում է նկատվում մանկապատանեկան տարիքային բոլոր խմբերում:

«Իրավիճակը գնում է դեպի, այսպես ասած, լարված լինելու: Եթե մի քանի օր առաջ  Հայաստանը  Եվրամիության չափանիշներով գտնվում էր  կանաչ գոտում, ապա  2-3 օրվա ընթացքում կտրուկ մտանք նարնջագույն գոտի»,- ասաց ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելա Աբովյանը: