ԵՄ-ն ողջունում է Հայաստանի և Թուրքիայի բանագնացների հանդիպումը

Եվրամիությունը ողջունում է հայ-թուրքական հարաբերությունների կարգավորմանն ուղղված բանակցությունների մեկնարկը, որը տրվում է այսօր Մոսկվայում երկու երկրների բանագնացների հանդիպմամբ:

«Ողջունելի է Մոսկվայում Հայաստանի և Թուրքիայի ներկայացուցիչների միջև կայանալիք հանդիպման մասին լուրը: Հարաբերությունների կարգավորումը և հաղորդակցությունների բացումը կարևոր խնդիր է, որին ԵՄ-ն ամբոջովին աջակցում է»,-  թվիթերյան էջում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը:

Հիշեցնենք, որ Մոսկվայում այսօր կայանում է Հայաստանի և  Հայաստանի բանագնացների առաջին հանդիպումը: Սա երկու երկրների հարաբերությունների կարգավորման համատեքստում առաջին հանդիպումն է։ Հայաստանը բանակցություններում ներկայացնում է ԱԺ փոխխոսնակ Ռուբեն Ռուբինյանը, Թուրքիայի հատուկ ներկայացուցիչն է ԱՄՆ-ում Թուրքիայի նախկին դեսպան  Սերդար Կիլիչը։