Ամենից շատ կարդացված նյութեր
.jpg "Վարորդները բողոքի ակցիա են իրականացնում ԿԲ դիմաց")
Հանրապետության հրապարակից քիչ այն կողմ գտնվող Կենտրոնական բանկի շենքի դիմաց այս պահին մեքենա ունեցող քաղաքացիներ են հավաքվել։ Նրանք դժգոհում են ԱՊՊԱ-ի գների բարձրացումից։
«Չի թանկանալու» գրությամբ թռուցիկներ են բերել, մտադիր են թողնել ԿԲ մոտ։
«Այս ամենի ինչի մեղավորը, գտնում ենք Կենտրոնական բանկն է, քանի որ ամենթողություն է տվել Ապահովագրական բյուրոյին»,-ասաց ակցիայի մասնակիցներից մեկը։
Նրա խոսքով, ապահովագրական կազմակերպութուններն այնքան էլ մեղք չունեն, պարտքեր են կուտակել։
«Թանկացման մասին որոշումն ուժի մեջ է մտնելու փետրվարի 7-ին՝ երկուշաբթի։ Այսօր եկել ենք այստեղ, որպեսզի Ապահովագրական Բյուրոն զգա մեր շունչը։ Եթե մինչև երկուշաբթի ոչինչ չձեռնարկեցին, մենք էլ համապատասխան քայլեր կձեռնարկենք Բյուրոյի դեմ»,-ասաց քաղաքացին։
Ակցիայի մասնակիցները չեն հավատում, որ ԿԲ շենքից որևէ մեկը իրենց կմոտենա, իրենց հետ կխոսի։ Դուռն էլ փակ է։
«Գիտեն ակցիայի մասի, տեղյակ են պահանջներին։ Ժամանակ կտանք, թող մտածեն»,-ասաց նա։
Studio One