Հոսպիտալացված քաղաքացիների 80%-ի մոտ հենց «օմիկրոն» շտամն է. Անահիտ Ավանեսյան

«Հիվանդանոցների մանկական բաժանմունքները ծանրաբեռնված են աշխատում՝ «օմիկրոն» շտամով վարակված երեխաներին բուժօգնություն ապահովելու համար»,- կառավարության ճեպազրույցների սրահում ասաց Առողջապահության նախարար Անահիտ Ավանեսյանը:

Շեշտելով, որ կորոնավիրուսով վարակված ծանր հիվանդների տարիքը երիտասարդանում է՝ նախարարը տեղեկացրեց, որ «օմիկրոն»-ով հոսպիտալացված հիվանդների միջին տարիքը 47 տարեկան է:

Նախարարի խոսքով՝ «օմիկրոն» շտամով վարակվելու դեպքում հիվանդությունն ավելի թեթև է ընթանում, և հոսպիտալացման կարիք չի լինում, իսկ նույն թվերով «Դելտա» շտամի պարագայում, հիվանդանոցների ծանրաբեռնվածությունը շատ ավելի մեծ կլիներ:

«Սակայն սա չի նշանակում, որ «օմիկրոն» շտամին կարելի է մատների արանքով նայել, քանի որ այս պահին հոսպիտալացված քաղաքացիների գրեթե 80%-ի մոտ հենց «օմիկրոն»-ն է»,- հայտնեց Ավանեսյանը և շեշտեց, որ մահերի մեջ էլ կան այդ շտամով վարակվածներ: