Ամենից շատ կարդացված նյութեր
.jpg "Բիլ Գեյթսը գիրք է գրել այն մասին, թե ինչպես կանխել հաջորդ համաճարակը")
Microsoft-ի հիմնադիր միլիարդատեր Բիլ Գեյթսը գիրք է գրել «Ինչպես կանխել հաջորդ համաճարակը» վերնագրով, որը լույս կտեսնի 2022 թվականի մայիսին։ Այս մասին գրում է Ռիա նովոստին։
«Գրքում ես ներկայացնում եմ կոնկրետ քայլեր, որոնք մենք կարող ենք ձեռնարկել ոչ միայն ապագա համաճարակները կանգնեցնելու համար, այլև այդ ընթացքում բարելավելու առողջապահական համակարգը բոլոր մարդկանց համար ողջ աշխարհում: Ես ուրվագծում եմ այն դասերը, որոնք մենք կարող ենք քաղել այս համաճարակից, նորամուծությունները, որոնք մեզ անհրաժեշտ են կյանքեր փրկելու համար»,- գրել է Գեյթսն իր բլոգում։
Միլիարդատերը նաև խոստացել է պատմել «իր կանոնավոր զրույցների» մասին հանրային առողջապահության ղեկավարների, այդ թվում՝ ԱՄՆ-ի առաջատար վարակաբան Էնթոնի Ֆաուչիի և Առողջապահության համաշխարհային կազմակերպության գործադիր տնօրեն Թեդրոս Ադհանոմ Գեբրեյեսուսի հետ:
Բիլ Գեյթսը պարբերաբար կիսում է իր կարծիքը կորոնավիրուսային համաճարակի զարգացման հնարավոր սցենարների մասին։ Ավելի վաղ Գեյթսը հայտարարել էր, որ երկրներում կորոնավիրուսով վարակման դեպքերի թիվը կնվազի «օմիկրոն» շտամի ալիքից հետո, կորոնավիրուսը կվերաբերվի սեզոնային գրիպի պես։
Studio One