ՔԿՀ-ն Նարեկ Մանթաշյանին չի տրամադրել ինսուլին, խոչընդոտել է մասնավոր հիվանդանոց տեղափոխելուն. փաստաբան

Փաստաբան Ալեքսանդր Կոչուբաևը գրում է. 

«Իշխանություններն ամեն ինչ անում են, որ բարդացնեն Նարեկ Մանթաշյանի կյանքը: Անգամ կալանավորումից հետո հետապնդումները շարունակվում են:

ՔԿՀ բուժծառայության հանցավոր անգործության հետևանքով Նարեկ Մանթաշյանը հայտնվել է Էրեբունի ԲԿ-ում: Ն. Մանթաշյանը ինսուլինային կախվածությամբ շաքարային դիաբետ ունի, սակայն ՔԿՀ բուժծառայությունը ոչ միայն չի տրամադրել ինսուլինը, այլև խոչընդոտել է մասնավոր հիվանդանոց տեղափոխելուն:

Այս առթիվ ներկայացված է հանցագործության մասին հաղորդում, ՔԿՀ-ում նյութեր են նախապատրաստվում»։