«Փյունիկը» ոչ ոքի է խաղացել Մոսկվայի «Սպարտակի» հետ

Երևանի «Փյունիկը» Դուբայում ընկերական հանդիպում է անցկացրել Մոսկվայի «Սպարտակի» հետ։ Գրանցվել է ոչ ոքի՝ 1։1։

36-րդ րոպեին կարմիր քարտ է ստացել «Սպարտակի» հոլանդացի կիսապաշտպան Կվինսի Պրոմեսը։ Թվային առավելությունը երևանյան թիմը գոլի է վերածել 65-րդ րոպեին։ Աչքի է ընկել պորտուգալացի կիսապաշտպան Ուգու Ֆիրմինոն։

«Սպարտակը» հավասարությունը վերականգնել է 84-րդ րոպեին ռուսաստանցի պաշտպան Գեորգի Ջիկիայի գոլի շնորհիվ։

Ընկերական հանդիպում

«Փյունիկ» - «Սպարտակ»՝ 1։1

Գեորգի Ջիկիա, 84 - Ուգու Ֆիրմինո, 65

Հեռացում՝ Կվինսի Պրոմես («Սպարտակ»), 36