Պեսկով. Ռուսաստանի պատվիրակությունը մարտի 2-ի երեկոյան բանակցությունների համար կսպասի Ուկրաինայի ներկայացուցիչներին

Ռուսաստանի նախագահի մամուլի քարտուղար Դմիտրի Պեսկովը հայտնել է, որ ՌԴ-ի պատվիրակությունը, որը մասնակցելու է Ուկրաինայի հետ բանակցություններին, կսպասի գործընկերներին չորեքշաբթի՝ մարտի 2-ի երեկոյան։ «Գազետա ռու»-ի փոխանցմամբ, այդ մասին ճեպազրույցի ժամանակ հայտարարել է Կրեմլի խոսնակը։

Պեսկովին հարց են ուղղել Մոսկվայի և Կիևի հետ առաջիկա բանակցությունների վերաբերյալ մամուլում հայտնվող հակասական տեղեկատվության մասին։

Նրա խոսքով, օրվա երկրորդ կեսին՝ մարտի 2-ին, ռուսական պատվիրակությունն արդեն կսպասի գործընկերներին։

«Մեր պատվիրակությունը պատրաստ կլինի այսօր շարունակել խոսակցությունը։ Մնացած ամեն ինչը հակասական տեղեկատվություն է»,- պարզաբանել է Պեսկովը։

Կրեմլի ներկայացուցչից լրագրողները տեղեկացել են նաև, որ Մոսկվան այս բանակցությունները նվազագույն հաջողություն է համարելու։

«Իրավիճակը կարգավորելու համար անհրաժեշտ բոլոր պայմանները Վլադիմիր Պուտինը բավականին հստակ ձևակերպվել է»,-պարզաբանել է Պեսկովը։

Նա նաև հավելել է, որ Վլադիմիր Մեդինսկին մնում է Ռուսաստանի գլխավոր բանակցողը։