Ռուբեն Մելիքյան. Չեմ կիսում այն մոտեցումը, որ «վիժվածք» ասելով՝ մարդիկ պարտադիր պետք է նկատի ունենան այդ երեքին

Իրավապաշտպան Ռուբեն Մելիքյանը գրում է.

«Հանրությանը տեղեկացնում եմ «ծանր վիրավորանքի» հոդվածով հերթական քրգործի մասին։

Վստահորդս մեղադրվում է կից ներկայացված գրառման համար։ Ընդ որում, մեզ հայտնի չէ, թե ինչ ապացույցների հիման վրա է նախաքննական մարմինը որոշել, որ գրառման մեջ «Նիկոլը» վարչապետն է, «Ալենը» ԱԺ նախագահը, իսկ «Արայիկը»՝ աշխատակազմի ղեկավարը։

Եթե նախաքննական մարմինը կարծում է, որ «վիժվածք» ասելով՝ մարդիկ պարտադիր պետք է նկատի ունենան նշված երեքին, ապա ես այդ մոտեցումը չեմ կիսում։ Թեև իհարկե հարգանքով եմ վերաբերում նախաքննական մարմնի մոտեցումներին»։