Բիշքեկում ձերբակալվել է Հրանտ Դինքի սպանության մեջ կասկածվողը

Բիշքեկում ձերբակալվել է Թուրքիայի քաղաքացի, որը հետախուզվում էր Հրանտ Դինքի սպանության գործում մասնակցության համար։ Այս մասին գրում է 24.kg լրատվամիջոցը՝ վկայակոչելով ոստիկանության հայտարարությունը։

Տղամարդը 38 տարեկան է։ Ձերբակալության ժամանակ պարզվել է, որ նա օգտագործել է կեղծ անձնագիր ու վարորդական վկայական։

Պարզվել է նաև, որ նա հետախուզվում է Թուրքիայի  իրավապահ մարմինների կողմից 2007 
թվականի հունվարին Ստամբուլում հայ լրագրող Հրանտ Դինքի սպանության մասնակցության համար։

Թուրքիայի քաղաքացին մեղադրվում է նաև այլ ծանր հանցագործությունների կատարման համար, այդ թվում նաև  հանվագործությունների կազմակերպման, հրազենի ապօրինի պահման համար։