Ռուսաստանը լռության ռեժիմի ու միջանցք բացելու մասին է հայտարարել

Ուկրաինական երկու քաղաքում՝ Մարիուպոլյայում ու Վոլնովախիում այսօր Մոսկվայի ժամանակով ժամը 10-ին (երևանյան ժամանակով ժամը 11-ին) հայտարարվել է լռության ռեժիմ։

Այս մասին գրում է «Ռիա Նովոստի» գործակալությունը։

ՌԴ ՊՆ հայտարարության համաձայն, ռուսական կողմը միջանցք է բացելու այդ քաղաքներից խաղաղ բնակիչների դուրս գալու համար։

Հիշեցնենք, որ Ուկրաինայում պատերազմը սկսկել է փետրվարի 24-ի առավոտյան։ ՄԱԿ տվյալներով, ավելի քան մեկ մլն մարդ լքել է Ուկրաինան։