Պուտին. Ռազմական գործողություններին չեն մասնակցում ու չեն մասնակցելու ժամկետային զինծառայողները

Ուկրաինայում հատուկ ռազմական գործողություններին չեն մասնակցում ու չեն մասնակցելու ժամկետային զինծառայողները, պահեստազորի լրացուցիչ զորակոչ չի լինելու։ Ռիա նովոստիի հաղորդմամբ, հայտարարել է ՌԴ նախագահ Վլադիմիր Պուտինը։

«Դրված խնդիրները լուծում են միայն պրոֆեսիոնալ զինվորականները։ Վստահ եմ, որ նրանք հուսալիորեն կապահովեն Ռուսաստանի ժողովրդի անվտանգությունն ու խաղաղությունը»,- հավելել է նա։

Երկրի ղեկավարը շնորհակալություն է հայտնել նաև այն կանանց, ովքեր ծառայում են Ռուսաստանի Դաշնության զինված ուժերում։

«Հարգանքի հատուկ խոսքեր կանանց նկատմամբ, ովքեր կատարում են իրենց պարտքը, ծառայում են Ռուսաստանի զինված ուժերի շարքերում: Շնորհակալություն հայրենիքին ձեր հավատարմության համար», - ասել է Վլադիմիր Պուտինը։