Հայտնի է Ռուսաստանում Instagram-ի արգելափակման ամսաթիվը

Մարտի 14-ից Ռոսկոմնադզորը, Գլխավոր դատախազության պահանջով, Ռուսաստանում կսահմանափակի մուտքը Instagram սոցիալական ցանց։ Այս մասին ասվում է գերատեսչության կայքում։

Պատճառը մարտի 11-ի գիշերը Meta փոստային ներքին փոստից տարածված հաղորդագրությունն էր, ըստ որի ընկերությունը ժամանակավորապես թույլ է տալիս Instagram-ին և Facebook-ին և իրեն պատկանող մեկ այլ սոցիալական ցանցին, չարգելափակել բռնության կոչերը ռուսների, այդ թվում՝ զինվորականների նկատմամբ։ Բացի այդ, նշվել էր, որ հարթակները չեն հեռացնի Ռուսաստանի նախագահ Վլադիմիր Պուտինի և Բելառուսի նախագահ Ալեքսանդր Լուկաշենկոյի հասցեին հնչեցված մահվան կոչերը։

Meta-ի ներկայացուցիչ Էնդի Սթոունը ավելի ուշ հաստատել էր, որ ընկերությունը հանել է արգելքը: Նա պարզաբանել է, որ Facebook-ին և Instagram-ին կթույլատրվի բռնության կոչ անել միայն ռուս զինվորականների նկատմամբ, բացառությամբ բանտարկյալների։ Meta-ի ներկայացուցչի խոսքով, խաղաղ բնակիչներին ուղղված նմանատիպ հաղորդագրությունները կարգելափակվեն։

«Ինչպես գիտեք, մարտի 11-ին «Meta Platforms Inc» աննախադեպ որոշում է կայացրել՝ թույլատրելով Ռուսաստանի քաղաքացիների նկատմամբ բռնության կոչեր պարունակող տեղեկություններ տեղադրել Facebook և Instagram իր սոցիալական ցանցերում։

Instagram սոցիալական ցանցում պտտվում են ռուսների նկատմամբ բռնի գործողություններ խրախուսող և հրահրող հաղորդագրություններ, որոնց առնչությամբ ՌԴ գլխավոր դատախազությունը Ռոսկոմնադզորից պահանջել է սահմանափակել մուտքն այդ սոցիալական ցանց։

Քանի որ Instagram-ի ակտիվ օգտատերերին ժամանակ կպահանջվի՝ իրենց ֆոտո և վիդեո նյութերը այլ սոցիալական ցանցեր տեղափոխելու և իրենց ընկերներին ու բաժանորդներին ծանուցելու համար, Ռոսկոմնադզորը որոշել է մարտի 14-ին ժամը 00:00-ին ավարտել Instagram մուտքի սահմանափակումների սահմանման ընթացակարգը՝ օգտատերերին տրամադրելով հավելյալ 48 ժամվա անցումային շրջան»,-ասված է Ռոսկոմնադզորի հաղորդագրության մեջ։