ԱՄՆ-ը պատժամիջոցներ է սահմանել Պեսկովի կնոջ և երկու երեխաների նկատմամբ

ԱՄՆ իշխանությունները պատժամիջոցներ են կիրառել ՌԴ նախագահի մամուլի քարտուղար Դմիտրի Պեսկովի կնոջ և նրա երկու երեխաների նկատմամբ։ Ինչպես հայտնում է ՏԱՍՍ-ը, այդ մասին ասվում է ուրբաթ օրը ԱՄՆ Ֆինանսների նախարարության տարածած մամլո հաղորդագրության մեջ։

Ինչպես հայտնում են ամերիկյան գերատեսչությունից, մարտի սկզբին Պեսկովն ինքն էր ներառվել ԱՄՆ պատժամիջոցների ցուցակում։ «Գեղասահքի օլիմպիական չեմպիոն Տատյանա Նավկայի, Նիկոլայ Պեսկովի և Լիզա Պեսկովայի դեմ այսօրվանից պատժամիջոցներ են կիրառվում այն պատճառով, որ նրանք Դմիտրի Պեսկովի ամուսինն ու չափահաս երեխաներն են»,- ասված է հայտարարության մեջ։

Պատժամիջոցների ցանկում ընդգրկվելը նշանակում է ԱՄՆ-ում ակտիվների սառեցում և նրանց հետ ամերիկայի քաղաքացիների կամ ընկերությունների առևտրական գործարքներ ծավալելու արգելք: