Ուկրաինայում արգելել են անշարժ գույքի առք ու վաճառքը

Ուկրաինայի արդարադատության նախարարության ղեկավար Դենիս Մալյուսկան խոստովանել է, որ երկրի իշխանությունները անհնարին են դարձրել անշարժ գույքի վաճառքն ու գնումը՝ «Ուկրաինա-24» հեռուստաալիքի եթերում մեկնաբանելով երկրում անշարժ գույք գնելու կամ վաճառելու անհնարինության մասին հաղորդագրությունները, գրում է «Ռիա Նովոստի» գործակալությունը։

Նրա խոսքով՝ այժմ անշարժ գույքի գրանցամատյաններին հասանելիությունը սահմանափակված է արդարադատության նախարարության կողմից՝ ներկա խառնաշփոթի պայմաններում սեփականության անօրինական փոփոխությունը կանխելու համար։

Նա նաև նշել է, որ գերատեսչության բոլոր ծառայությունները տարբեր մարզերում ներկայումս աշխատում են ընդհատումներով՝ անկախ կոնկրետ բնակավայրում տիրող իրավիճակից։