Բրիտանիան պատժամիջոցներ է կիրառել «Յանդեքս»-ի նոր ղեկավար Տիգրան Խուդավերդյանի նկատմամբ

Ուկրաինայում ռուսական հատուկ գործողության հետ կապված՝ Մեծ Բրիտանիան պատժամիջոցներ է կիրառել «Յանդեքս»-ի նոր գլխավոր տնօրեն Տիգրան Խուդավերդյանի, լրագրողներ Արտյոմ Շեյնինի և Արմեն Գասպարյանի նկատմամբ։ Ռիա նովոստիի հաղորդմամբ, այս մասին է վկայում բրիտանական կառավարության հրապարակած փաստաթուղթը։

Պատժամիջոցները ներառում են Բրիտանիայում ակտիվների սառեցում և երկիր մուտքի արգելք։

Մեծ Բրիտանիայի արտաքին գործերի նախարար Լիզ Թրուսի խոսքով, ներկայումս Ռուսաստանի ավելի քան հազար քաղաքացիներ և ձեռնարկություններ գտնվում են պատժամիջոցների տակ: