ՆԱՏՕ-ն չի պլանավորել ռազմական միջամտություն իրականացնել Ուկրաինայի իրադարձություններում․ Օլաֆ Շոլց

Հյուսիսատլանտյան դաշինքը (ՆԱՏՕ) մտադիր չէ ռազմական միջամտություն ցուցաբերել Ուկրաինայում տեղի ունեցող իրադարձություններին։ Այս մասին հայտարարել է Գերմանիայի կանցլեր Օլաֆ Շոլցը, փոխանցում է «Իզվեստիա»-ն։

«Մի բան պարզ է՝ ՆԱՏՕ-ն ռազմական ճանապարհով չի միջամտի պատերազմին»,- ասել է Շոլցը Բեռլինում ՆԱՏՕ-ի գլխավոր քարտուղար Յենս Ստոլտենբերգի հետ մամուլի ասուլիսում։

Նա հավելել է, որ Արևմուտքը կշարունակի ֆինանսական ու հումանիտար աջակցություն ցուցաբերել այս երկրին, ինչպես նաև ռազմական ապրանքներ մատակարարել Ուկրաինային։