Ռազմական գործողությունների սկզբից Ուկրաինայում 816 խաղաղ բնակիչ է զոհվել. ՄԱԿ

Ուկրաինայում ռազմական գործողությունների մեկնարկից ի վեր զոհվել է 816 քաղաքացիական անձ: Այդ մասին, ինչպես տեղեկացնում է «Ռիա Նովոստի»-ին, հաղորդել Է ՄԱԿ-ի Մարդու իրավունքների գերագույն հանձնակատարի վարչությունը:

ՄԱԿ-ի գրասենյակի տվյալներով՝ փետրվարի 24-ից մարտի 17-ը խաղաղ բնակչության շրջանում գրանցվել է 816 զոհ և 1333 վիրավոր։

Նշվում է, որ մարդիկ զոհվել կամ վիրավորվել են պայթյուցիկ զինատեսակների հետևանքով՝ ներառյալ ծանր հրետանին և համազարկային կրակի ռեակտիվ համակարգերը, ինչպես նաև հրթիռային և օդային հարվածների հետևանքով:

Ռուսաստանն Ուկրաինայում ռազմական գործողություն է սկսել փետրվարի 24-ին։ ՌԴ նախագահ Վլադիմիր Պուտինը հայտարարել էր Ուկրաինայում հատուկ ռազմական գործողության մասին՝ ի պատասխան Դոնբասի հանրապետությունների ղեկավարների օգնության դիմումի։ Նա ընդգծել էր, որ Մոսկվայի ծրագրերը չեն ներառում ուկրաինական տարածքների օկուպացումը, նպատակը երկրի ապառազմականացումն ու ապաազգայնացումն է։