Ռուսաստանի տրանսպորտի նախարար. Հայաստանում ռուսական ընկերության օդանավ է կալանավորվել

Հակառուսական պատժամիջոցների հետևանքով ռուսական ավիաընկերությունների մոտ 80 օդանավ է կալանավորվել։ Interfax-Russia-ի փոխանցմամբ, այս մասին հայտարարել է ՌԴ տրանսպորտի նախարար Վիտալի Սավելևը։

«Մինչ պատժամիջոցները  երկրում կար 1 367 ինքնաթիռ։ Մենք կորցրել ենք 78-ը։ Դրանք թռիչքների ժամանակ կալանավորվել են»,-ասել է նախարարը։

Ռուս պաշտոնյան թվարկել է, որ  օդանավերը ձերբակալվել են նաև Ռուսաստանի բարեկամ երկրներում, ինչպես օրինակ Թուրիքայում, Ադրբեջանում, Հայաստանում։

Նրա խոսքով, ռուսական կողմը փորձում է պայմանավորվել արևմտյան լիզինգային  ընկերությունների հետ ինքանթիռների ձեռքբերման համար, սակայն դրանք բանակցությունների չեն գնում։ Նման պայմաններում ՌԴ-ն սկսել է ավիապարկը փոխանցել ռուսական ռեգիստր։