Ծովագյուղցիները չեն համակերպվում համայնքի խոշորացմանը. փակել են ճանապարհը

Գեղարքունիքի մարզի Ծովագյուղ համայնքի բնակիչները չեն համակերպվում իրենց համայնքի խոշորացման փաստի հետ։ Այդ որոշումը չեղարկելու պահանջով այսօր նրանք ավտոմեքենաներով փակել են Սևան-Դիլիջան ճանապարհը։ 

Նշենք, որ Ծովագյուղ, Սեմյոնովկա ու այլ գյուղեր խոշորացվել են՝ ընդգրկվելով Սևան համայնքի կազմում։ Ի նշան խոշորացման դեմ բողոքի այս երկու գյուղերի բնակիչներից որևէ մեկը չմասնակցեց անցած տարի դեկտեմբերի 5-ին կայացած ՏԻմ ընտրություններին։