Գերմանիան մինչև 2022 թ-ի կեսերը երկու անգամ կկրճատի Ռուսաստանից նավթի ներկրումը

Գերմանիան նախատեսում է մինչև 2022 թվականի կեսերը կրկնակի կրճատել նավթի ներկրումը Ռուսաստանից։ Այս մասին հայտնում է Der Spiegel-ը՝ հղում անելով փոխկանցլեր, տնտեսական հարցերի և կլիմայի պաշտպանության նախարար Ռոբերտ Հաբեկի նամակին։

«Մինչև տարվա կեսերը, ամենայն հավանականությամբ, ռուսական նավթի ներմուծումը Գերմանիա կրկնակի կկրճատվի։ Մինչև տարեվերջ մենք նպատակ ունենք գործնականում անկախանալ»,-ասված է Հաբեկի նամակում:

Նա հավելել է, որ պայմանագրերի փոփոխությունները մոտ ապագայում կհանգեցնեն նրան, որ Գերմանիայի կախվածությունը Ռուսաստանից նավթից կնվազի մեկ քառորդով։