Ի՞նչ անալիզներ են պետք հանձնել կորոնավիրուսից հետո. Բժշկի խորհուրդները

Թերապևտ Լյուդմիլա Լապան RT-ին պատմել է, թե ինչ անալիզներ պետք է հանձնել կորոնավիրուսային վարակից հետո։

«Արյան ընդհանուր անալիզ, մեզի անալիզ, բիոքիմիական հետազոտություն, C-ռեակտիվ սպիտակուց (CRP), D-դիմեր», - թվարկել է թերապևտը:

Նրա խոսքով, եթե մարդն ունի շաքարային դիաբետի, պանկրեատիտի, նյութափոխանակության համախտանիշի զարգացման նախադրյալներ, ապա պետք է ստուգել գլյուկոզայի մակարդակը։

Լապան նաև խորհուրդ է տվել բուժզննում անցնել հիվանդությունից երեքից վեց ամիս հետո։