Գուսանական և ժողովրդական երգի պետական անսամբլը հանդես կգա հոբելյանական համերգով

Մարտի 27-ին «Առնո Բաբաջանյան» համերգասրահում հոբելյանական համերգով ելույթ կունենա Հայաստանի գուսանական և ժողովրդական երգի պետական անսամբլը։

Համերգը նվիրված է անսամբլի տնօրեն և դիրիժոր, պրոֆեսոր Հրաչ Նազարյանի ծննդյան 70 և ստեղծագործական գործունեության 55-ամյակին։

Անսամբլի գեղարվեստական ղեկավարը և գլխավոր դիրիժորը ՀՀ արվեստի վաստակավոր գործիչ, կոմպոզիտոր Գևորգ Մանասյանն է։ Խմբավարը և մեներգիչը՝ Լաուրա Մամյանը, կոնցերտմայստերը՝ Աշոտ Վարդանյանը։